Author: betim musliu (betim musliu)

Kandidati i Aleanca Kosova e Re , Korab Sejdiu ka votuar në qendrën e votimit 1901 në shkollën fillore “Naim Frashëri “, ku i ka falënderuar të gjithë qytetarët që kanë për ta votuar dhe do dalin deri ën mbylljen e votimeve.

Në komunën e Gjilanit  qytetarët kanë nisur të votojnë. Zyrtare të Komisionit Komunal në këtë komuanë kanë konfirmuar për KosovaPress se procesi ka filluar me kohë dhe po vazhdon normalisht. Deri më tani vërehet mjaftë interesimi i qytetarëve për të votuar.

Shtatë lëndë të hapura dhe 16 të arrestuar janë të dhënat e prokurorisë së shtetit në procesin zgjedhor. Laura Pula koordinatore për zgjedhje në prokurorinë e shtetit tha se rastet e tilla kanë ndodhur në Gjilan, Mitrovicë, Malishevë, Drenas , Istog dhe Podujevë.

Kandidati i koalicionit AAK- LDD, Lulzim Kabashi i shoqëruar nga bashkëshortja e tij Visare Kabashi, ka votuar në vendlindjen e tij në Korishë në qendrën e votimit 2023a.

Konflikti verbal mes Avdyl Krasniqit vëllait të kryeparlamentarit Jakup Krasniqi e Bujar Gjoshit, vëllait të Betim Gjoshit, anëtarit të PDK-së në KQZ, do të trajtohet si kundërvajtje nga gjykata. Prokurorja kujdestare Bukurie Gjonbalaj, deklaroi se nuk ka vepër penale në konfliktin mes tyre.

Në orën 16:55 është arrestuar Besik Hasanaj vëzhgues i Vetëvendosjes në shkollën ekonomike “Kadri Kusari”, në Gjakovë.  Sinan Hajdari drejtori i shkollës  “Kadri Kusari”, ka konfirmuar për Gazetën Jeta në Kosovë arrestimin e vëzhguesit të VV-së por ka thënë se nuk e di se për se për çfarë motive është bërë kjo.

Në Ranillug është arrestuar një person që dyshohet se jepte laminat në këmbim të votave dhe një tjetër që ka marrë material që shtrohet para laminatit nga i dyshuari i parë.

Në konferencën e saj të dytë, organizata Demokracia në Veprim ka shpalosur gjetjet lidhur me procesin e votimit. Sipas organizatës, mbi 14% të qytetarëve kanë votuar deri në orën 12:00.  

Gjatë konferencës që ka mbajtur Komisioni Qendror Zgjedhor, Valdete Daka ka treguar që janë ndaluar dhe shoqëruar në polici 11 persona për arsye të ndryshme. Në fshatin Batllavë të Podujevës në qendrën 1816 E katër persona janë shoqëruar në polici për dyshim falsifikimi të bexhave. Policia e rajonit të Podujevës  thotë se ata janë komisionerë...

Personi i arrestuar refuzoi të hapte qendrën e votimit, me arsyetimin se shkolla është ende në renovim. Personi i arrestuar nga Policia e Kosovës është Ymer Hasanaj, rojë në shkollën Bajram Curri në Cercë të Istogut.