Keqpërdorimi i votës, vjedhja dhe shitja e saj janë në dëm të procesit të votimit të zgjedhjeve lokale të 3 nëntorit, u tha në tryezën e mbajtur në Pejë, me moton “Drejtësia në zgjedhjet e 3 nëntorit” nga Instituti i Kosovës për Drejtësi në bashkëpunim me Koordinatoren Nacionale nga ana e Prokurorit të Shtetit rreth Zgjedhjeve Lokale 2013.
Për të biseduar lidhur me përgatitjet sa më të drejta të zgjedhjeve të 3 nëntorit 2013, Instituti i Kosovës për Drejtësi në bashkëpunim me Koordinatoren Nacionale nga ana e Prokurorit të Shtetit rreth Zgjedhjeve Lokale 2013, në Pejë mbajtën tryezë diskutimi me titull “Drejtësia në zgjedhjet e 3 nëntorit”, me ç’rast të ftuar ishin përfaqësues të institucioneve publike të rendit, përfaqësues dhe kandidatë për kryetarë të komunës, përfaqësues të shoqërisë civile dhe mediat.