Prishtinë, 25 tetor 2019 – Hulumtuesi i Institutit të Kosovës për Drejtësi (IKD), Gzim Shala, ka mbajtur ligjërata për studentët e Fakultetit Juridik të Universitetit Publik të Prishtinës “Hasan Prishtina”, me temën “Sistemi gjyqësor dhe prokurorial në Kushtetutën e Republikës së Kosovës dhe nevoja për ndryshimin e Kushtetutës në këtë fushë”.
Shala ka mbajtur ligjëratë për studentët e vitit të dytë të Juridikut, duke shpalosur përvojat dhe ekspertizën e IKD-së për temën në fjalë.
Ligjërata është mbajtur në kuadër të projektit “Kërko drejtësi” të mbështetur nga Departamenti i Shtetit Amerikan/Buroja Ndërkombëtare e Narkotikëve dhe Çështjeve të Zbatimit të Ligjit (INL) në kuadër poashtu të bashkëpunimit me Fakultetin Juridik të UP-së.
IKD vazhdimisht zhvillon aktivitete në kuadër të programit “Edukimi” për ngritjen e kapaciteteve të juristëve të rinj.