Instituti i Kosovës për Drejtësi ka mbajtur një takim në Prizren me organet e rendit dhe Prokurorinë, të cilët kanë shprehur gatishmërinë të veprojnë shpejt në rast të keqpërdorimit të votës.
Qëllimi i këtij takimi ishte edhe sensibilizimi i qytetarëve për t’i paralajmëruar se do të ndiqen penalisht nëse bëjnë veprime të tilla. Koordinatorja nacionale për zgjedhje Laura Pula ka thënë se për ta mbrojtur votën e çdo qytetari në terren, ditën e zgjedhjeve do të jenë kujdestarë edhe 50 prokurorë, të cilët do të vëzhgojnë gjithë procesin.