50 prokurorë për të ruajtur votën

50 prokurorë për të ruajtur votën

Janë 50 prokurorë dhe po aq e më shumë policë hetues në të gjithë Kosovën, që në ditën e zgjedhjeve lokale në Kosovë do të qëndrojnë kujdestarë me qëllim të procedimit të çdo parregullsie që mund të ndodhë në zgjedhjet e sivjetme.

Prokurorët do të qëndrojnë në zyrat e tyre në qytetet ku ekzistojnë prokurori themelore, ndërsa në ato vende ku prokuroria nuk ka objekt, prokurorët do të qëndrojnë në stacione policore ku në bashkëpunim me hetuesit e Policisë së Kosovës do të jenë në mbrojtje të votës së lirë të qytetarëve.